Kaulinan Urang Lembur
Ayeuna mah lamun barudak kota ulin ka kampung, ngan bisa nempo pamandangan wungkul. Henteu loba nu bisa dicaritakeun ku maranehna lamun geus balik deui ka kota. Teu cara barudak desa lamun arindit ka kota, balikna teh loba bahan picaritaeun ka dulur-dulurna. Eta teh ku jaman global. Jadi sagala tibalik. Nu tadina teu nyaho, jadi nyaho, nu tadina nyaho jadi bodo. Kasenia urang kampung nu baheula loba kacaritakeun kiwari geus lawas taya nu nyaho. Saperti Kaulinan Urang Lembur nu kungsi jadi tongtonan pikaresepeun, malahan jadi bahan panalungtikan para ahli. Hiji kasenian anu sabenerna teu kudu make instrumen, iwal biwir asal kuat bae gogorowokan. Kaulinan Urang Lembur nu mangrupa kakawihan barudak teh biasa ditongton dina waktu panen, sanggeus pare diala. Barudak tuluy karakawihan di tegalan. Di handap ieu runtuyanana:
- Jaleuleuja
Jaleuleuja ……
atulak tujaeman …. gog
seureuh leuweung …. bay
jambe kolot …… bug
ucing katinggang songsong ….. ngek ! - Nanggerang – Nanggorek
Yu batur urang ulin ka Nanggerang
ah embung sieun lila teuing beurang
keun atuh ambeh umur urang panjang
nu panjang Nini Aki Balangantrang
Leuleui leui leuleu leuleuyang aya mojang geulis pisan
Yu batur urang ulin ka Naggorek
ah embung Nanggorek mah lila poek
keun atuh ambeh seubeuh ngeleketek
leketek embung sieun bareuh kelek
Leuleuileuyang aya bujang teu uyahan - Tokecang
Tokecang tokecang
Meuli kendil tosblong
angeun kacang angeun kacang
sapendil kosong - Rayak-rayak
itu saha nungtun munding
digantelan saputangan
itu saha ginding teuing
sihoreng teh popotongan
aha ehe aha ehe leuh kacida teuing
Aya listrik di masigit
caangna ka pabrik kina
aya istri jangkung leutik
karangan dina pipina
aha ehe aha ehe leuh kacida teuing - Cingcangkeling
Cingcangkeling manuk cingkleung cindeten
plos ka kolong bapa satar buleneng
cingcangkel manuk cingkleung cindet
plos ka kol bapa satar bulen
cingcangkelkel manuk cingkleung cindetdet
plos ka kolkol bapa satar bulenlen - Galah Ginder
Galah ginder galah ginder
adelerder dut ndutan
cle ka pangaclekan
clo ka pangaclokan
jleg ka pangajlegan
Ganggonggo gangbengbe
atoli toli mas marino
plang atilingtingplang bule
sarpa’i lonyod penyon
boga rupa jiga embe
karesep nyonyoo kohkol
emh nyonyoo kohkol
emh nyonyoo kohkol
emh emh nyonyoo kohkol
emh emh nyonyoo kohkol - Ningningnang
Ningningnang ningningnang
doli ndot blem
dalem sumping dor bajidor
tutunjuk kembang malati
ya ole ole ombang
terongna ting belenong
adu riri siri pinyong
inyong inyong mas muria
tukang gandek raja belang - Tuktukbrung
Tuktukbrung tuktukbrak
buntut lutung panjang rubak
dikenyang-kenyang barudak
barudak salawe widak
nyed em nyed em
nyed em nyed em
nyed nyed em nyed em - Nengnongnengjak
Nengnongnengjak
toroktok kuda janggotan
pa kuwu kariaan
laukna lauk bilatung
kejona kejo gadung
tangtung bedog rumpung
tungtang bedog rompang
het het kuda janggotan
kelek monyet heheotan
bangdung bangplak ndut em - Eundeuk-eundeukan
Eundeuk-eundeukan lagoni
meunang peucang sahiji
leupas deui ku nini
beunang deui lku aki
leupas deui ku nini-nini
beunang deui ku aki-aki
leupas deui ku ninina nini-nini
beunang deui ku akina aki-aki
leupas deui ku nini-ninina nini-nini
beunang deui ku aki-akina aki-aki - Surser
Surser surser
angeun waluh tacan asak
disuluhan ku baketek
baketek meunang meulahan
meulahan ku peso petok
peso petok gagang timah
nalek tok anu di imah
Surser surser
amis cau amis kumbang
jawadah tataleotan
hileud si tataru ngambang
ih tai manukan
ih tai manukan
ih ih tai manukan - Sakentrung
Sakentrung sakentrung
sakentrung sakentrung
pare hawara ti huma
ditutu na lisung pondok
trung dong dong trung eng
trung dong dong trung eng
trung dong dong trung dong eng
Sakentrung taligung peci pecang
tete tulak tete wondo
dalem tulak raja sono
kalisana dong ble
kacang diraraweuy tembus keneh
dodol sana dodol sana
cir kuciplak doli ndot blem
Siapa siatu siapa pegang ratu
di depan pintu salah satu
sakentrung taligung nyi mantri dalem
mindrio mindrio tember mute
hayam kate hayam kate
dilulugem ta ehem ta ehem
ta ehem ta em ta em - Angkat Sampeong
Angkat sampeong kujanggu jambaria
hey bakaria bagus temen rupa nira
si oyong oyong sawahepun si waru doyong
sawahe si ujung eler sawahe si ujung etan
solasi suling dami menyan putih pangundang dewa
dewa dewa sukma widadari nu ngayuga
panurunan sipatang puluh
ning buri ana sasanga
ning arep ana lilima
panurunan sipatang puluh ala lauk - Tatarucingan
A: Yu batur batur urang tatarucingan
B: Tarucing naon, tarucing tarucing naon ?
A: Aya imah aya imah ngambang di lautan
bisa leumpang bisa leumpang maju ku sorangan
Naon cing naon, naon cing naon
Mun kateguh meunang
B: Kapal euy kapal, kapal euy
A: Enya
B: Enya euy enya, enya euy
A: Kapal
B: Budak leutik …..
A: Jarum !
B: Enya euy enya, enya euy
A: Jarum
B: Jarum euy jarum, jarum euy
A: Enya
A: …. (nunjuk wungkul)
B: Ganas ! - Perepet Jengkol
Perepet jengkopl jajahean
Kadempet ….. jejeretean - Paciwit-ciwit Lutung
Paciwit ciwit lutung
nu meunang pindah katungtung
(bari mindahkeun nyiwitna)
