Gurat Badag Awal Sajarah Jawa Barat
Geus kanyahoan, yen Rd. Wijaya nu ngadegkeun Majapahit teh incu Prabu Rakeyan Darmasiksa ti karajaan Sunda. Sedengkeun Prabu Hayam Wuruk (incu Rd. Wijaya) neruskan sumpah akina, nu MOAL NGAGANGGU BHUMI SUNDA. Sabab Sunda teh luluhur Majapahit ti pihak laki-laki. Sumpah Rd. Wijaya teh diucapkeun di keraton Kawali basa ngadeuheus, sarengsena upacara diistrenan jadi raja Majapahit) Tapi kusabab Gajahmada (tadina penyebar agama Budha ti Thailand) teu apaleun kana sumpah Rd. Widjaya malah ngembarkeun sumpahna sorangan (Palapa) hayang nalukeun Nusantara.
Karajaan Galuh (3)
Indraprahasta Ngarojong Galuh
Purbasora geus hasil nyingkirkeun Sena kulantaran make pasukan Indrapahasta. Ku urang geus kanyahoan, yen Maharaja Wisnuwarman, raja Tarumanagara ka 4, ngaganti pasukan bhayangkarana ku pasukan ti Indraprahasta, nu gede wawanen, ulet, satia, tur maher ngagunakeun panah. Indraprahasta teh ayana di wewengkon Cirebon Girang, nu diadegkeun ku Maharesi Santanu, nu asalna ti wewengkon Gangga—India, taun 363 M. Maharesi Santanu kabur ti nagarana, dibeberik ku pasukan Samudragupta.
Dipati Ukur Nyaho Ngaran Tambuh Galur
Di Bandung aya ngaran jalan Dipati Ukur, nu can kapanggih di kota-kota sejen di Tatar Sunda, boa ngan hiji-hijina sadunya. Saha atuh Dipati Ukur teh? Bureng bin poek, matak ngahudang kapanasaran. Inget-inget poho, keur kuring di SD kelas 4,(1959), kungsi pun biang ngadongeng Rd. Dipati Ukur, cenah makamna di Kabuyutan, deukeut sasak kareta api, antara Soreang-Ciwidey. Nincak ka kelas 6 (1961), kuring kungsi maca buku kandel “Carita Dipati Ukur”, nu ngagoler dina meja tulis di kamar pun bapa. Les we poho deui. Ka behdieunakeun, basa kuring jadi wartawan majalah PIP Jakarta. Kungsi ngadenge dongeng Dipati Ukur, ti Pa Letkol(purn)RH Lily Sumantri (Bupati Bandung manten), cenah Dipati Ukur teh perang jeung Mataram, katewak di gunung Rakutak (tempat katewakna pamingpin DI/TII, Kartosuwiryo, 1962) deukeut Cililin. Makamna di Baleendah, da cenah Baleendah (Pabuntelan?) teh urut puseurdayeuh kabupaten Bandung, wewengkon Dayeuhkolot.
