Puisi
Puisi - puisi Didi Supriadi
Jendral (Purn) H. Agum Gumelar, Cagub Teureuh Sukapura
Kebo mulih pakandangan, sanggeus ngalanglang buana, Agum mulang ka lemah cai, seja ngabaktikeun diri di sarakan baligeusan.
Gagal jadi Wapres, teu matak murengkedkeun niat babakti ka nagara. Dimana wae, iraha wae, mun batur jenuk balarea butuh, Agum pasti rawuh. Komo deui, tatar Sunda nu keur rumahuh ku mahabu jeung nerekabna korupsi kolusi jeung nepotisme, kudu buru-buru diungkulan, jeung mikabutuh pamingpin nu tangoh gede wawanen bari ihlas.
Agum jeung Nu’man dua putra Sunda pituin, sayaga nyingkilkeun leungeun baju, maju dina pilkada nu nangtukeun gupernur jeung wakil gupernur tatar Sunda. Rada jerona, Agum, jeung Nu’man teh raja jeung wakil raja Sunda.
Kaulinan Urang Lembur
Ayeuna mah lamun barudak kota ulin ka kampung, ngan bisa nempo pamandangan wungkul. Henteu loba nu bisa dicaritakeun ku maranehna lamun geus balik deui ka kota. Teu cara barudak desa lamun arindit ka kota, balikna teh loba bahan picaritaeun ka dulur-dulurna. Eta teh ku jaman global. Jadi sagala tibalik. Nu tadina teu nyaho, jadi nyaho, nu tadina nyaho jadi bodo. Kasenia urang kampung nu baheula loba kacaritakeun kiwari geus lawas taya nu nyaho. Saperti Kaulinan Urang Lembur nu kungsi jadi tongtonan pikaresepeun, malahan jadi bahan panalungtikan para ahli. Hiji kasenian anu sabenerna teu kudu make instrumen, iwal biwir asal kuat bae gogorowokan. Kaulinan Urang Lembur nu mangrupa kakawihan barudak teh biasa ditongton dina waktu panen, sanggeus pare diala. Barudak tuluy karakawihan di tegalan. Di handap ieu runtuyanana:
Sawandana
C. Sesebutan ka jalma tina patokan tingkah laku.
Pakokolot supa = umurna meh sarua
Mata simeuteun = Lamun nenjo, panon na teu ngiceup - ngiceup
Kentel peujit = daek tirakat (prihatin)
Jauh ka bedug = dusun euweuh ka nyaho
Ipis biwir = babari ceurik
Laer gado = culamit
Panjang lengkah = lega pamikiranana
Pondok lengkah = heureut pamikiranana
Kandel kulit beungeut = teu boga kaera
Teu boga beungeut = heureut pamikiranana
Kandel kulit beungeut = teu boga kaera
Teu boga beungeut = ngarasa era
Sisindiran
Ku Djodi Prihatna SA.
Saminggu Di Jambi
Ku: Djodi Prihatna, A.Md.-MG
Jambi boga titinggal karuhunna anu kudu dipulasara, saperti Candi Muaro Jambi. Ieu kota kaliwatan ku wahangan Batanghari anu kamashur. Catetan perjalanan salila saminggu di Jambi pinuh ku rupa-rupa pangalaman ti mimiti telat indit, di mana-mana macet nepi ka langkana BBM jeung pareum listrik noron.
Ieu pangalaman kuring nu munggaran indit ka imah mitoha. Enya, geus lila kuring rumah tangga teh, geus 32 taun. Salila eta tacan kungsi nyaho imah mitoha. Tapi aranjeunna mah, boh mitoha lalaki atawa awewe, mindeng ka Bandung. Ti taun 1976, barang mimiti kawin ge, kuring geus hayang nyaho kumaha kaayaan kota Jambi. Tapi kumaha atuh? Lain lantaran teu boga ongkos, atawa joledar ka kolot, tapi alesan nu pangkuatna mah ku lantaran ampir teu boga kasempetan bae. Atuda tong boro ka Jambi anu jauhna ti Bandung mangratus-ratus kilometer, ka Tasik bae, ka sarakan, anu ngan 100 kilometer, sataun sakali bisa datang ge geus untung.
Titin Gilang Hadi
Ku: Djodi Prihatna, A.Md-MG
Ceuk Saha hobi teu bisa jadi usaha tambahan? Tina karesep atawa hobi lamun ku urang dipigawe kalawan daria pasti bakal ngahasilkeun hal-hal anu mangpaat. Malahan bisa jadi pagawean tambahan. Bari henteu jeung ninggalkeun pagawean nu geus baku. Di handap ieu dipedar pangalaman hiji wanoja teureuh Sumedang, Hj. Titin Gilang Hadi, anu pagawean sapopoena jadi patugas dina widang kasehatan, aktifis pramuka, tapi mindeng pisan jadi mc (master of ceremony) dina unggal kagiatan pirang-pirang organisasi jeung utamana mah dina upacara pernikahan.
Pamadegan
Carpon, Asep Idjuddin
Nu nguriling mirig jempling, ngajingjing hiliwir angin,nyanding bangbalikan pikir, mipir dikir jeung hariring birit peuting. Ngiclik ngilitik nuturkeun suku, muru pungkasan balitung gunung. Taya suda nu karasa, ngan halabhab nyaliara, binarung renghap randegan, muka buliklakan dada, tempat ngambah nu balaka. Taya nu muni nyumputkeun, taya nu wasa ngadoja, dalah ambahan talaga, teu daya nyangga pulia. Bongan saha make sangup jadi jalma, nu pancen mawa amanat, sebarkeuneun sabuana. Ana geus nyoledat letah, jadi jauh pamuruyan, pedah kasurung pamadegan.
Turiang Di Tanah Angar
Ku Muhammad Husnil *)
Cai teh elan vital tatanen, utamana pare. Cai lir nafas keur mahluk hirup liana. Tanpa cai hamo aya satangkal oge pare nu jadi (kajaba huma). Tapi kiwari ku pangaruh pamanasan global (global warming) morosotkeun cadangan cai dina beuteung bumi. Kanyahoan tina angarna taneuh di unggal nagara kaasup di Indonesia.
Werejit
Ku: Kang Fauzi
Peuting harita mah asa ku keueung. Padahal ngeusian imah ieu teh leuwih kana 20 tauna, taya pirasat atawa naon bae anu matak pikahariwangeun boh ka kulawarga atawa ka sorangan pribadi .Tapi……… peuting ieu……..bet……. Keaaaakkkkk !!! koreak disada mani dina suhunan pisan.
“Kasebelan !! mantog siah, ka sabrang ka Palembang……” kuring hohoak sorangan. Kabeneran di imah taya sasaha, pamajikan jeung budak keur di Majalaya nempo indungna keur gering. Geus dua poe aya di Majalaya.
